ڕێڤەبەرێ ڕاگەهاندن و پەیوەندییان ل ڕێڤەبەرییا گشتی یا پۆلیسێن هەرێمێ ڕاگەهاند، بڕیارا سەرۆكێ حكومەتێ بۆ قەدەغەكرنا چەكێ بێ مۆلەت كێشەیێن خەلكی كێمكرینە.
مقەدم کارزان ئەمیر گۆت ژی: " بڕیارا مەسرۆر بارزانی، سەرۆکێ حکومەتا هەرێمێ بۆ قەدەغەکرنا چەکێ بێ مۆلەت داكو ئەو كەسێن چەك لدەڤ هەی تۆماربكەن و جهێن مامەلەكرنێ ب چەكێ بێ مۆلەت بهێنە داخستن، بوویە ئەگەر وەلاتی پەنایێ نەبەنە بەر چەكی و بتنێ سكالایێ تۆماربكەن، ئەڤێ یەكێ ژی كێشە و زیان كێمتر كرینە. "
دیار ژی كر، پشتی تەمامبوونا وادەیێ تۆماركرنا چەكی، سالێ هەمییێ ڕێژەیێن كوشتن و تەقەكرنێ و گەفكرنێ ب چەكی ب ڕێژەیەكا بەرچاڤ ل هەمی هەرێمێ كێم بوویە. ئەڤ ئەنجامە دسەلمینیت كو ئەڤە بڕیارەكا دروست بوو بۆ كێمبوونا كێشەیان و وەلاتی ژی پابەندی فەرمانێن حكومەتێ بووینە.