ئاکرێ نیوز
ئەڤرو د. دلاوەر بوزو دەڤەردارێ قەزا ئاکرێ ب ئامادەبونا رێڤەبەرێن ناحیێن دینارتە و بجیل و گردەسێن و عەمید قاسم رێڤەبەرێ پولیسێن ئاکرێ و بلند رزا سەروکێ باژێرڤانیا ئاکرێ دگەل هەمی مختارێن سنورێ قەزا ئاکرێ کومبوون.
دکومبونێ دا دەڤەردارێ ئاکرێ رولێ گرنگێ مختارا دناڤا کومەلگەهی دا و کار و ئەرکێن وان وەکو خزمەتا دگەهینن وەکو فاکتەرەکێ هاریکار ب هەماهنگی دگەل هێزێن ئێمناهیێ بو پاراستنا ئەمنیەتا دەڤەرێ ل قەلەمدا، کو زێدەتر کارێ خو یێ بەرپرسیارانە ئەنجام ددەن ژبو بەرژەوەندیا گشتی و باشتر رێکخستنا کومەلگایێ مەدەنی.
هەروەها لدور کومەکا پرسێن گرێدایی ب جێبەجێکرنا رێنمایێن ئیداری نەمازە دانا پشتگیریێن ئاکنجیبونێ و نەهێلانا وان دیاردێن جوراوجور وەکو زێدەگاڤیێن عەردی و خودانکرنا مەرو مالاتی تایبەت دناڤ سەنتەرێ باژێری دا هاتنە ئاماژەکرن و هەروەسا هژمارەکا پرسێن گرێدایی ب داوکاریێن مختاران و ئەو ئاستەنگ و گرفتێن دکەڤنە درێکا کارێ وان دا ژبال ئامادەبویان هاتنە دیارکرن و پشتەڤانیا ئیداری بو وان هاتە دوپاتکرن.