وەزارەتا دارایی و ئابووری یا حكوومەتا هەرێما كوردستانێ، خشتەیێ مووچەیێن پرانیا وەزارەت و سازییان بۆ هەیڤا نیسانێ ڕاگەهاند، بەلێ هەتا نوکە لیستا مووچەیێن هێزێن پێشمەرگە و هێزێن ئەمنی ڕانەگەهاندیە، دگەل گەهشتنا پارەی ژی، دێ خشتەیی ڕاگەهینن.
ژێدەرەکێ ل وەزارەتا دارایی و ئابووری یا حکوومەتا هەرێما کوردستانێ بۆ (ئاکرێ نیوز) ڕاگەهاند: "دوهی وەزارەتا دارایی یا عێراقێ گوتیە مە کۆ هویربینی ل لیستا هێزێن پێشمەرگە و هێزێن ئەمنی تمام بوویە، ل ڤان نزیکان کۆ رەنگە ئەڤرۆ بیت، یان دەستپێکا هەفتییا بهێت، پارە بگەهیتە هەرێما کوردستانێ و دەست ب دابەشکرنا مووچەیێن وان ژی بهێتە کرن."
تەکەز ژی كر، دگەل هاتنا پارەی و دەستكرن ب دابەشكرنێ، پێشمەرگە و هێزێن ئەمنی د دەمێ ئێک ڕۆژدا دێ مووچەیێن خۆ وەرگرن