ئەڤرۆ ئێکشەمبی 26 ی گولانا 2024 ێ، مەسرور بارزانی سەرۆکێ حکومەتا هەرێما کوردستانێ، ل گەل شانده‌كێ قەتەڕی ب سەرۆکاتییا ئەحمەد حەسەن حەممادی، ئەمیندارێ گشتییێ وەزارەتا دەرڤه یا قەتەڕی کۆمبوو.
د وێ دیدارێ دا كو بالیۆزێ قەتەڕێ ل عێراقێ و کونسولێ گشتییێ وی وه‌لاتی ل هەرێما کوردستانێ ئامادە بوون، بیر و ڕا ده‌ربارەیی پێشخستنا پەیوەندییێن دولایەنی د هەموو بیاڤاندا هاتنه به‌حسكرن.
ئەمیندارێ گشتییێ وەزارەتا دەرڤه‌یا قەتەڕ، سڵاڤ و ڕێزێن میر و سەرۆکوەزیرێن قەتەڕێ گه‌هاندنه سەرۆکێ حکومەتێ و حه‌زا وه‌لاتێ خۆ بۆ پێشڤه‌برنا پەیوەندییان ل گەل هەرێما کوردستانێ دەربڕی.
سەرۆکێ حکومەتێ ئاماژە ب گرنگییا پێگەهێ قەتەڕێ کر و ئامادەییا هەرێما کوردستانێ بۆ بهێزکرنا پەیوەندییێن دولایەنی د بیاڤێن جۆدا دا نیشاندا.