ئاکرێ نیوز
شەڤا بووری ل سنوورێ ناحیا دینارتێ ل قەزا ئاکرێ سەیێن بەرەلا هێرش کرینە سەر سێ کەسان و بریندار کرینە، هاتینە ڕەوانەکرن بۆ نەخۆشخانا تەنگاڤیان ل ئاکرێ.
نێچیرڤان فەخرەدین پەیڤدارێ ساخلەمیا قەزا دیارکر، شەڤا بووری ل ناحیا دینارتێ و دەوروبەرا ل سنوورێ قەزا ئاکرێ سەیێن بەرەلا هێرشکریە سەر سێ کەسان و بریندار کرینە.
ڕاگەهاند ژی، دوو کەس ئاکنجیێ سەنتەرێ ناحیا دینارتێ نە، زگێ وان بریندارببوو ئێک ژی ئاکنجیێ گوندێ سەرگەلی بوویە دەستێ وی هاتبوو بریندار کرن.
ئاشکرا ژی کر، هەرسێ بریندار هاتبوونە ڤەگوهاستن بۆ نەخۆشخانا تەنگاڤیان ل ئاکرێ پشتی وەرگرتنا چارەسەریێ رەوانەی مال هاتینە کرن و ڕەوشا وان یا باشە.