ئەڤڕۆ چارشەمبی 29 ی گولانا 2024 ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل چۆی سونگ سوو، باڵیۆزێ کۆریا باشوور ل عێراقێ کر.
د وێ کۆمبوونێ دا كو سینچۆل لیم، کونسولێ گشتییێ کۆریا باشوور ل هەرێما کوردستانێ ئامادە ببوو، ته‌كه‌زی ل سه‌ر پێشخستنا پتر یا پەیوەندییێن هەرێما کوردستانێ و کۆریا هاته کرن.
بالیۆزێ کۆمارا کۆریا باشوور، ستایشا دیتنا سەرۆکێ حکومەتێ کر د کارکرن ب ئاراستا بەرەف پێشبرن و گەشەپێدانا هەرێما کوردستانێ د هەموو واراندا.
بالیۆزێ کۆریا ئاماژە ب پەیوەندییێن دۆستانە یێن وه‌لاتێ وی ل گەل هەرێما کوردستانێ کر کو بیست سالان به‌ری نوكه تیپا سەربازییا (زەیتوون) یا کۆریا باشوور هاتنە هەرێما کوردستانێ و پەیوەندییێن فەرمی دناڤبه‌را هەردو ئالییان دەستپێکر و چەندین پڕۆژێن گرنگ ل کوردستانێ ئەنجامدان ب تایبەتی ب ڕێیا ئاژانسا هاریکارییا نێڤدەولەتییا کۆریا/کۆیکا.
سەرۆکێ حکومەتێ سوپاس و پێزانینیێن هەرێما کوردستانێ بۆ پشته‌ڤانی و هاریکاری و پشكدارییا کۆریا باشوور ل پرۆسا بەرەف پێشبرنا هەرێمێ دەربڕی و ته‌كه‌زی ل سه‌ر گرنگییا مفا وەرگرتنێ ژ ئەزموونا سەرکەوفتییا ئەوی وه‌لاتی د بیاڤێن جۆدا دا کر.