نێچیرڤان بارزانى، سه‌رۆكێ هه‌رێما كوردستانێ 62 سالییا دامه‌زراندنا ئێكه‌تییا مامۆستایێن كوردستانێ پیرۆز كر و راگه‌هاند، ئه‌و پشته‌ڤانێ ماف و داخوازیێن وان یێن ره‌وایه.
سه‌رۆك نێچیرڤان بارزانى، سه‌رۆكێ هه‌رێما كوردستانێ په‌یامه‌ك ب هه‌لكه‌فتا 62 سالییا دامه‌زراندنا ئێكه‌تییا مامۆستایێن كوردستانێ به‌لاڤكر و ب گه‌رمى پیرۆزباهى ل مه‌كته‌با سكرتاریه‌ت و ئێكه‌تییا مامۆستایێن كوردستانێ و ته‌ماما مامۆستایێن كوردستانێ كر و هیڤییا سه‌ركه‌فتن و پێكه‌فتنا به‌رده‌وام بۆ وان خواست، ب رێز ژى ڤه ته‌ماشه‌یى ئه‌رك و مانیدبوون و په‌یاما پیرۆزا مامۆستایان د په‌روه‌رده و پێگه‌هاندنا نفشاندا ته‌ماشه دكه‌ت.
سه‌رۆك نێچرڤان دبێژیت: مامۆستا توێژه‌كا هه‌ره گرنگ و بنه‌مایێ پێشكه‌فتا كۆمه‌لگه‌هێ نه و پشته‌ڤانیێ ژ هه‌موو ماف و داخازیێن وان یێن ره‌وا دكه‌م و ئه‌و هه‌ژى ژیانه‌كا باش، ئارام و ئاسووده‌ترن، رۆلێ مامۆستایان د سه‌رده‌مێ شۆڕش و ئازادیێ دا بلند نرخاند و هه‌روه‌سا دلسۆزى و به‌رگرییا وان د رۆژێن سه‌خت دا بۆ وێ یه‌كێ پرۆسه‌یا خواندن و په‌روه‌ردێ نه‌راوه‌ستیت ئه‌ڤ یه‌ك چ جاران ناهێته ژبیركرن.
سه‌رۆك نێچیرڤان بارزانى دبێژت ژى هه‌ر د ڤێ یادێ دا ب رێزڤه وان هه‌موو مامۆستایان ل بیر دئینین یێن ژ بۆ ئازادییا گه‌لێ خۆ خه‌بات كرین و گیانێ خۆ كرینه قوربان