ئاکرێ نیوز
ل ئاکرێ ژبال تیمێن نەهێلانا دیاردێن زێدەگاڤی یا سەرۆکاتیا باژێرڤانیا ئاکرێ هەوەکا بەرفرەها خرابکرنا کولکێن ئاژەلان برێڤەچوو.
ژبالخوڤە کارزان عباس بەرپرسێ هوبا نەهێلانا دیاردێن زێدەگاڤی یا سەرۆکاتیا باژێرڤانیا ئاکرێ بۆ ئاکرێ نیوز دادیارکر کو دچارچوڤێ هەوا نەهێلانا دیاردا نەشارستانیا خودانکرنا مەرومالاتی لناڤا سەنتەرێ باژێری ئەڤرو تیمێن مە رابووینە ب خرابکرن و لابرنا 30کولکێن ئاژەلان ل سەنتەرێ باژێرێ ئاکرێ .
ئەڤ چەندەژی دیارکر کو ئەڤ هەوە ب سەرپەرشتیا راستەوخۆ یا دەڤەردارێ ئاکرێ و سەروکێ باژێرڤانیا ئاکرێ دهێتە ئەنجامدان و ئەڤ هەوە دێ یا بەردەوام بیت کو خودانکرنا مەروو مالاتی بوویە جهێ گلەهیا وەلاتیان و هەروەها ژبۆ خۆ پارستنێ یە ژی ل بەلاڤ نەبوونا تایا خوین بەربوونێ و نەخوشیێن جورا و جور.
داخوازکارین ژ هەڤوەلاتیێن خۆ ب تایبەتی ل سەنتەرێ باژێرێ ئاکرێ کو هاریکاربن دگەلمە ئەڤ دیاردا خودانکرنا مەرومالاتی لناڤا سەنتەرێ باژێری نەمینت .