پار ل ئەمریکا ب هەڤبەرکرن ل گەل سالێن پێشتر ژمارەیا کەسێن ب ماددەیێن هشبەر ژیانا خۆ ژدەست دای، کێمبوویە و ژ سالا 2018ێ وەرە ئەڤە دبیتە ئێکەم جار رێژە کێم دبیت.
ل گۆرەی سەنتەرێ کونترۆل و خۆپاراستنێ ژ نەخۆشییان یێ ئەمریکی (CDC)، ل سالا 2023یێ ل سەرتاسەری ئەمریکا 107 هزار کەسان ژ ئەگەرێ وەرگرتنا ژەمێن زێدە یێن ماددەیێن هشبەر ژیانا خۆ ژدەست دایە، ل سالا 2022یێ ژمارەیا کەسێن ب وی رەنگی مرین، 111 هزار کەس بوو و ب ڤی رەنگی دیار دبیت کو ئەڤ رێژە ٪3 کێمبوویە.
ژێدەری دەربارەی جۆرێ وی ماددەیێ هشبەر یێ ئەمریکی ب ژەمێن وی یێن زێدە دمرن، ئاشکراکرییە: ماددەیێ هشبەر یێ ژ جۆرێ فێنتانتیل ل سالا 2023یێ ئەگەرێ مرنا 75 هزار ئەمریکییان بوو و ل سالا 2022یێ 76 هزار ئەمریکییان.
فێنتانتیل ئێک ژ بهێزترین جۆرێن ماددەیێن هشبەرە، 20 تا 40 جاران ژ هێرۆوینێ بهێزترە و کەسێن بکاردئینن زوی ئالۆدە دبن، لەورا وەرگتنا ژەمێن وی یێن زێدە، دبیتە ئەگەرێ مرنا بکارئینەرێن ماددەیێن هشبەر.