بەرپرسێ ڕێكخستنا مەكتەبا پارتی ل دهۆكێ ڕاگەهاند، دێ ب هه‌موو داموده‌زگه‌هێن حكومى و حزبیڤه هاریكارییا زیانڤێكه‌ڤتییێن ئاگرێ دهۆكێ كه‌ن.
سه‌ربه‌ست له‌زگین ئه‌ندامێ مه‌كته‌با سیاسییا پارتى دیموكراتى كوردستان و به‌رپرسێ مه‌كته‌با ڕێكخستنا پارتى ل دهۆكێ د داخویانییێن ڕۆژنامه‌ڤانیدا دیاركر، ب مخابنیڤه ئاگرێ چه‌لێ ل بازارێ دهۆكێ زیانێن ماددی یێن مه‌زن هه‌بوون، لێ جهێ دلخۆشییێ یه كو زیانێن گیانى نینن و خه‌لك یێ ب سلامه‌ته.
گوت ژى: ئه‌و ژلایێ خۆڤه دێ ب هه‌موو داموده‌زگه‌هێن حكومی و حزبیڤه دهاریكاربن، ژبه‌ركو نه‌خۆشى و كاره‌ساتێن خه‌لكى یێن وانژینه، چ جۆداهى دناڤبه‌را واندا نینه، هه‌موو وه‌لاتى و خه‌لكێ وانه، ژبه‌ر هندێ ب ئه‌ركێ ل سه‌ر ملێن خوه دزانن، ئه‌ودا دشیانێن واندا بیت بۆ هاریكاریكرنا زیانڤێكه‌ڤتییان بكه‌ن.