ئەڤرۆ ڕۆژا سێ شەمبی مەسرور بارزانی، سەرۆکێ حکومەتا هەرێما کوردستانێ، پێشوازی ل ستیڤن هیچن، بالیۆزێ بریتانیا ل عیراقێ كر.
ل دویڤ ڕاگەهاندنا نڤێسینگەها سەرۆکوەزیرێن هەرێما کوردستانێ، تەوەرێ سەرەکییێ دانوستاندنان، تایبەت بوو ب "گرنگییا ئەنجامدانا هەلبژارتنێن پەرلەمانێ کوردستانێ".
گۆڕەی ڕاگەهاندنێ، هەردوولا د هەڤڕابوون ل سەر پێدڤییێن چارەسەرکرنا ئاریشە و ئاستەنگێن بەردەم هەلبژارتن و پشكداربوونا هەمی لایان د هەلبژارتناندا".
سەرۆکی حکومەت دووپات ل هندێ كر، "پشتەڤانییێ د هەلبژارتنەكا پاك و بێگەرد و یاسایی و دادپەروەرانە دكەین کو جهێ باوەرییێ بیت و ل ژێر چاڤدێری و پشتەڤانییا جڤاكێ نیڤدەولەتی دا بهێنە ئەنجامدان و گەرەنتییێ د پاراستنا مافێن هەمی پێکهاتەیێن هەرێما کوردستانێ بکەت".
د كۆمبوونێدا دابینکرنا مافێن دەستووری یێن خەلكێ کوردستانێ و هنارتنا مووچەیی و شایستەیێن دارایی و بەردەوامبوونا هاریکاری و پشتەڤانیكرنا پێشمەرگەی گوتۆبێژكرن.