محه‌مه‌د عه‌بدولقادر ڕێڤه‌به‌رێ گشتییێ ژمێریارى ل وه‌زاره‌تا داراییا هه‌رێما كوردستانێ ڕاگه‌هاند، ڕێڤەبەرییێن پەروەردێ هاتینه ئاگەهداركرن، ب مه‌ره‌ما وەرگرتنا چەکێ بانكییێ مووچەیێ مامۆستایێن وانەبێژ، سەره‌دانا وه‌زاره‌تێ بکەن.
هه‌روه‌سا دیاركر، بڕیارا خەرجکرنا مووچەیێ وانەبێژێن هەرێما کوردستانێ بۆ هه‌یڤا 12 یا سالا بووری هاتییەدان، كو 36 هزار مامۆستایێن وانەبێژ ل هەرێما کوردستانێ هەنە، مووچەیێ هه‌یڤانه یێ وان نێزیکی 14 ملیار دینارایە، هەلگرێن باوەڕنامەیا دبلۆمێ 350 هزار دیناران وه‌ردگرن، باوەڕنامەیا بەکالۆریۆسێ ژی 400 هزار دیناران وه‌ردگرن.