دەستەیا دەستپاکییا عیراقێ دیار كر: رێڤەبەرێ بانکەکا پارێزگەها میسان ب تاوانا دزینا نێزیکی حەفت ملیار دیناران هاتە گرتن و بریارا گرتنێ بۆ هژمارەکا هاریکارێن وی ژی دەرکەفتییە.
ئه‌ڤرۆ شه‌مبییێ" دەستەیا دەستپاکییا عیراقێ راگه‌هاند: رێڤەبەرێ بانکا " ئه‌لته‌نمیه ئه‌لده‌ولی" تایێ میسان" شه‌ش ملیار و 771 ملیۆن و 10 هزار دینارێن عیراقی ب هاریکاییا فەرمانبەرێ قاسێ، هاریکارێ رێڤەبەری و هژمارەکا دی یا کارمەندێن بانکێ رادەستی هندەک کەسێن نەدیار کربوون و ئەو کوژمێ پارەیی دزیبوو، لەوما لدووڤ مادێ 315 ژ یاسایا سزایان یا عیراقێ بریارا گرتنێ بۆ وان کەسان دەرکەفتییە و نوكه ئه‌و رێڤه‌به‌ره هاتیە گرتن و دووڤچوونا کەسێن دیتر ژی دهێتە کرن یێن بریارا گرتنێ بۆ دەركه‌فتی.