وه‌زاره‌تا به‌ڕەڤانیا روسیا ئاشكرا کر، بۆ دەمێ هه‌فتیەكێ نزیكێ شه‌ش هزار سه‌ربازێن ئۆكراینا هاتنە کۆشتن و زێدەتر ژ 12 هزار فڕۆكەیێن بێفڕۆکەڤان ژی ژ لایێ لەشکەرێ ڕووسیاڤە ئێخستنە خوارێ.
وه‌زاره‌تێ د به‌یاننامه‌یه‌كێدا بڵاڤکر، ل 23ێ مارس یا 2024 بۆ 30ێ مارس یا 2024، زیانێن لەشکەرێ ئۆكراینا زۆر بووینه كۆ د وی هه‌فتیێدا زێدەتر ژ پێنج هزار و 770 سه‌ربازێن ئۆكراینا هاتنە كوشتن و 12 هزار و 8 فڕۆكەیێن بێفڕۆكەڤان ژی ئێخستنە خوارێ و د وی هه‌فتیێدا لەشکەرێ ڕووسیا 57 هێرشێن هویر ب چه‌كێ زه‌مینی و ده‌ریایی و عەسمانی ئه‌نجامداینه.
ئه‌و ژی دیار کر، د وی ماوه‌یدا هێرش كریە سه‌ر هێزێن ئۆكراینا و ژێرخان و كۆمه‌لگه‌ها پیشه‌سازی و باره‌گایێ هه‌واڵگیرییا سه‌ربازی و كۆگەهێن سووته‌مه‌نی و جهێن وزه‌یا ئۆكراینا كرنە ئارمانج.