مەکتەبا سیاسییا پارتی پەیامه‌كا پیرۆزباهییێ ئاراستەیی سەرۆکێ حزبا سۆسیالا دیموکراتا کوردستانێ کر.
دەقێ پەیاما پیرۆزباهییێ:
بەرێز/ کاک محەمەدی حاجی مەحموود، سەرۆکێ حزبا سۆسیالا دیموکراتا کوردستانێ.
ب هه‌لكه‌فتا بەستن و ب سەرکەفتنا ب دووماهی ئینانا ھەشتەمین کۆنگرێ پارتییا هه‌وه و ھەلبژارتنا هه‌وه‌یێن بەرێز وەکو سەرۆکێ حزبا سۆسیال دیموکراتا کوردستانێ، گەرمترین پیرۆزباهییان ل هه‌وه‌یێن بەرێز و ئەندامێن سەرکردایەتی و هه‌موو کادر و ئەندام و لایەنگرێن حزبا هه‌وه‌یێن خه‌باتكەر دکەین، ھیڤییا سەرکەفتنێ بۆ هه‌وه دخوازین.
هیڤیدارین بڕیار و ڕاسپاردە و ئەنجامێن کۆنگرێ هه‌وه د ئاست گوهۆرین و پێدڤییێن ڤێ قووناغێ دابن و خزمەتا ئارمانجێن مه یێن هه‌ڤپشك و دۆزا ڕەوایا گەلێ مه بکەن.
دڤێ دەرفه‌تێ دا ته‌كه‌زییێ ل سه‌ر ھەماھەنگی و ھه‌ڤرێزییێ دناڤبه‌را مه و هه‌موو حزب و لایەنێن سیاسی یێن کوردستانێ دکەین ژ پێخه‌مه‌ت خۆشگوزەرانییا وه‌لاتییان و پاراستنا ھەرێمێ و بده‌سته‌ڤه‌ئینانا بەرژەوەندییێن بلندێن گەلێ کوردستانێ.
جاره‌كا دی پیرۆزباهییێ ل هه‌وه دکەین و ھەر سەرکەفتی بن.
مەکتەبا سیاسییا پارتی دیموکراتی کوردستان