لدووڤ دەستوورێ فیدرالییێ عێراقێ، مافی هەر تاکه‌كێ عێراقییە ب هەموو پێکهاتانڤە، ب یه‌کسانی پشكدارییێ د پرۆسا سیاسیدا بکەن، بەلێ دادگه‌ها بلند فیدڕالییا عێراقێ ئەو مافێ رەوایە ژ پێکهاتێن کوردستانێ ستاندییە.
کورسییێن کۆتایان، دناڤبه‌را دەستووریبوونێ ل عێراقێ و نه دەستووریبوونێ ل هەرێما کوردستانێ” د هەر سیستەمه‌كێ فیدڕالییدا، هەرێم و دەولەت، دو یەکەیێن دەستوورینه، هەر ئێكێ ژ وان ب دەستوور و یاسایێ خۆ، کو دەستهه‌لاتێن یاسادانانێ و بجهئینان و دادوەرییێ دگریت، ره‌وشا خۆبرێڤه‌برنا هەرێمێ و دەستهه‌لاتێن ده‌ڤه‌ران د دەستوورێ دەولەتێدا دهێته دانان، چ ژ وان یاسایان ب بڕیارا تاکلایەنە یا حکومەتا ناڤەندی و سازییێن وێ گوهۆرین تێدا ناهێنه کرن.
لدووڤ دەستوورێ فیدڕالییێ عێراقێ، مافێ هەر تاکه‌كێ عێراقییە ب هەموو پێکهاتانڤه، ب یەکسانی پشكدارییێ د پرۆسا سیاسیدا بکەن، ڤێجا چ ل پەرلەمانی بیت یان جڤاتێن پارێزگه‌هان” د مادێ 20 ێ یێ دەستوورێ عێراقێدا هاتییە، هه‌موو وه‌لاتییان ماف هەیە پشكدارییێ د کاروبارێن گشتیدا بکەن و د مافێن سیاسیدا بەهرەمەند بن، ژ وان ژی مافێ دەنگدانێ و هەلبژارتنێ و خۆ کاندیدکرنێ.
مادێ 49 ێ د بڕگا ئێكێ دا كو پشکا پێكهاتان دیار دکه‌ت ب دوپاتکرنا هندێ كو جڤاتا نوونەران ژ هژمارەكا ئەندامان پێکدهێت ب رێژا ئێک کورسی بۆ هەر 100 هزار کەسان ل عێراقێ کو نوونەراتییا هه‌موو گەلێ عێراقێ دکەن، ئەوێن دهێنه هەلبژارتن ب دەنگدێن راستەوخۆ، نهێنی، گشتگیر، و نوونەراتییا هەموو پێکهاتێن خەلكێ دناڤدا لبەرچاڤ دهێته گرتن.
ل پەرلەمانێ عێراقێ ژ سه‌رجه‌مێ 329 کورسییان، 9 کورسییێن پەرلەمانی وەکو مافێ پێکهاتان هاتینه دیارکرن و ل جڤاتێن پارێزگه‌هان دا ژ سه‌رجه‌مێ 285 کورسییان 10 کورسییێن وی جڤاتێ دده‌نه پێکهاتان.