سه‌رۆكێ جڤاتا دادوه‌رییا هه‌رێما كوردستانێ ڕاگه‌هاندنه‌ك سه‌باره‌ت دووماهى بریارا دادگه‌ها بلندا فیدرالییا عیراقێ ل سه‌ر بابه‌تێ كۆتایان به‌لاڤكر.
دادوه‌ر عه‌بدولجه‌بار عه‌زیز حه‌سه‌ن سه‌رۆكێ جڤاتا دادوه‌رییا هه‌رێما كوردستانێ دیاركر، نابیت ل ژێر چ بهانه‌یان ده‌ستكارى د مادده‌یێن ده‌ستوورییێن هه‌رێما كوردستانێدا بهێته‌كرن، دڤێت هه‌موو لایه‌ن ژ وان دادگه‌ها فیدرالى دپابه‌ندبن، نابیت ئاریشه بۆ مادده‌یێن ده‌ستوورییێن هه‌رێما كوردستانێ بهێنه دروستكرن یان ب بهانه‌یێن جۆدا بهێنه بنپێكرن، دادگه‌ها فیدرالى زێده‌گاڤى د ده‌ستهه‌لاتێن خوه یێن قانوونیدا كرییه.
هه‌روه‌سا دیاركر، مافێ هه‌رێما كوردستانێیه ژ چارچووڤێ ده‌وله‌تا عیراقێ مافێن خوه یێن ده‌ستوورى بكاربینیت، دادگه‌ها فیدرالى ماف دایه خوه ده‌ستێوه‌ردانێ د هه‌موو مه‌زن و بچووكێن هه‌رێمێدا بكه‌ت، هه‌روه‌كو د دووماهى بریارا خوه‌دا كۆرسییێن كۆتا د هه‌لبژارتنێن په‌رله‌مانێ كوردستانێدا هه‌لوه‌شاندین.