سه‌رۆك مه‌سعوود بارزانى و بالیۆزێ ئوسترالیا ل ئیراقێ كۆمبوون، هه‌لبژارتنێن په‌ڕله‌مانێ كوردستانێ و پرسا پشكدارییا پێكهاتان د هه‌لبژارتنان به‌حسكرن.
باره‌گه‌هێ بارزانى به‌لاڤكریه، ئه‌ڤرۆ دوشه‌مبێ 4-3-2024ێ سه‌رۆك مه‌سعوود بارزانى ل گه‌ل گلین مایلز، بالیۆزێ ئوسترالیا ل ئیراقێ كۆمبوو، د دیدارێ دا بالیۆزێ ئوسترالیا به‌حس ل په‌یوه‌ندیێن دو قۆلى یێن ناڤبه‌را وه‌لاتێ خۆ و هه‌رێما كوردستانێ كر و خواست ئه‌و په‌یوه‌‌ندى كوورتر ببن.
هه‌روه‌سا به‌حس ل هه‌لبژارتنێن په‌ڕله‌مانێ كوردستانێ ژى هاته كرن كو بڕیاره ل 10-6-2024ێ بهێنه كرن و دڤێ یه‌كێ دا به‌حس ل پرسا سه‌ختییا برێڤه‌چوونا هه‌لبژارتنان بێى پشكدارییا سه‌رجه‌م پێكهاتێن كوردستانێ كر، ژبه‌ركو كۆتایا پێكهاتان هاتیه هه‌لوه‌شاندن.
باره‌گه‌هێ بارزانى دیاركریه، هه‌ر د كۆمبوونێ دا هه‌ر دو ئالیان به‌حس ل وێ یه‌كێ كریه كو هه‌رێما كوردستانێ به‌رده‌وام پێداگیریێ ل پێكڤه‌ژیانێ دكه‌ت و ئێكه ژ بنه‌مایێن سه‌ره‌‌كى یێن پشكداریكرنێ د پرۆسه‌یا سیاسى دا ل هه‌رێما كوردستانێ.
باره‌گه‌هێ بارزنى خویاكریه ژى، هه‌ر د كۆمبوونا وان دا دوپاتى هاتیه‌كرن كو پێكهاتێن هه‌رێمێ پشكه‌كا ڤه‌نه‌بڕى نه ژ گه‌لێ كوردستانێ و دبیت ژ به‌ر توندیا هه‌ڤڕكان ئه‌و نه‌شێن نوونه‌رێ خۆ ل په‌ڕله‌مانێ كوردستانێ ب ده‌ست بێخن.
د ته‌وه‌ره‌كێ دى یێ كۆمبوونێ دا سه‌رۆك بارزانى و بالیۆزێ ئوسترالیا به‌حس ل مانا هێزێن هه‌ڤپه‌یمانان ل ئیراقی كرن و سه‌رۆك بارزنى دیاركر، ئه‌ڤ یه‌كه پرسه‌كا نشتیمانى یه و پرسا هه‌موو پێكهاتێن ئیراقێ یه و دڤێت هه‌ست ب ڤێ یه‌كێ بهێته كرن و هه‌ست ب مه‌ترسیا تیرۆرێ ژى بهێته‌كرن.
باره‌گه‌هێ بارزانى به‌لاڤكریه، ئه‌ڤرۆ دوشه‌مبێ 4-3-2024ێ سه‌رۆك مه‌سعوود بارزانى ل گه‌ل گلین مایلز، بالیۆزێ ئوسترالیا ل ئیراقێ كۆمبوو، د دیدارێ دا بالیۆزێ ئوسترالیا به‌حس ل په‌یوه‌ندیێن دو قۆلى یێن ناڤبه‌را وه‌لاتێ خۆ و هه‌رێما كوردستانێ كر و خواست ئه‌و په‌یوه‌‌ندى كوورتر ببن.
هه‌روه‌سا به‌حس ل هه‌لبژارتنێن په‌ڕله‌مانێ كوردستانێ ژى هاته كرن كو بڕیاره ل 10-6-2024ێ بهێنه كرن و دڤێ یه‌كێ دا به‌حس ل پرسا سه‌ختییا برێڤه‌چوونا هه‌لبژارتنان بێى پشكدارییا سه‌رجه‌م پێكهاتێن كوردستانێ كر، ژبه‌ركو كۆتایا پێكهاتان هاتیه هه‌لوه‌شاندن.
باره‌گه‌هێ بارزانى دیاركریه، هه‌ر د كۆمبوونێ دا هه‌ر دو ئالیان به‌حس ل وێ یه‌كێ كریه كو هه‌رێما كوردستانێ به‌رده‌وام پێداگیریێ ل پێكڤه‌ژیانێ دكه‌ت و ئێكه ژ بنه‌مایێن سه‌ره‌‌كى یێن پشكداریكرنێ د پرۆسه‌یا سیاسى دا ل هه‌رێما كوردستانێ.
باره‌گه‌هێ بارزنى خویاكریه ژى، هه‌ر د كۆمبوونا وان دا دوپاتى هاتیه‌كرن كو پێكهاتێن هه‌رێمێ پشكه‌كا ڤه‌نه‌بڕى نه ژ گه‌لێ كوردستانێ و دبیت ژ به‌ر توندیا هه‌ڤڕكان ئه‌و نه‌شێن نوونه‌رێ خۆ ل په‌ڕله‌مانێ كوردستانێ ب ده‌ست بێخن.
د ته‌وه‌ره‌كێ دى یێ كۆمبوونێ دا سه‌رۆك بارزانى و بالیۆزێ ئوسترالیا به‌حس ل مانا هێزێن هه‌ڤپه‌یمانان ل ئیراقی كرن و سه‌رۆك بارزنى دیاركر، ئه‌ڤ یه‌كه پرسه‌كا نشتیمانى یه و پرسا هه‌موو پێكهاتێن ئیراقێ یه و دڤێت هه‌ست ب ڤێ یه‌كێ بهێته كرن و هه‌ست ب مه‌ترسیا تیرۆرێ ژى بهێته‌كرن.