دادوه‌ر عه‌بدولره‌حمان سلێمان ئه‌ندامێ دادگه‌ها فیدرالییا عیراقێ، ئه‌ڤرۆ ده‌ست ژ كاركێشا و ڕاگه‌هاند، ئه‌و نه‌شیا ل دادگه‌ها فیدرالى به‌رگرییێ ل مافێن هه‌رێما كوردستانێ بكه‌ت، هنده‌ك ژ بریارێن دادگه‌ها فیدرالى ژ چارچووڤێ كارێ دادگه‌هێ ده‌ركه‌ڤتن.
دادوه‌ر عه‌بدولره‌حمانى گوت: وى بزاڤدكر كار بۆ جهگیركرن و مۆكۆمكرنا سیسته‌مێ فیدرالییێ عیراقێ كربا، هه‌رێما كوردستانێ تاكه هه‌رێمه كو ژ چارچووڤێ ده‌ستوورى دان پێ هاتییه كرن و ڕۆل د نڤیسینا ده‌ستووریدا بۆ گه‌لێ عیراقێ هه‌بوو، لێ ئه‌و نه‌شیا ل دادگه‌ها فیدرالى به‌رگرییێ ل مافێن هه‌رێما كوردستانێ بكه‌ت، دڤیابا دادگه‌ها فیدرالییا عیراقێ پشته‌ڤانییه‌كا ب هێز ل هه‌رێمان كربا.
دپشكه‌كا دییا ئاخڤتنێن خوه‌دا حاكم عه‌بدولره‌حمانى دووپاتكر، هنده‌ك جاران سیسته‌مێ دادگه‌ها فیدرالییا عیراقێ هاتییه بنپیكرن، ڕۆلێ وان وه‌كو نوونه‌رێن هه‌رێما كوردستانێ ل دادگه‌ها فیدرالى هاته لاوازكرن.