مه‌سروور بارزانى، سه‌رۆكێ حكومه‌تا هه‌رێما كوردستانێ ل سالڤه‌گه‌ڕا كیمیا بارانكرنا حه‌له‌بچه راگه‌هاند، تا نها به‌غدا ئاماده نینه ریكارێن ب پارێزگه‌هبوونا حه‌له‌بچه تمام بكه‌ت.
سه‌رۆكێ حكومه‌تا هه‌رێما كوردستانێ د راگه‌هاندنه‌كێ دا دبێژیت، ئارمانجا سه‌ره‌كى یا ڤێ تاوانێ و تاوانێن دى یێن رژێمێن ئێك ل دویڤ ئێك یێن ئیراقێ ل دژى خه‌لكێ كوردستانێ، جینۆسایدكرنا گه‌لێ كوردستانێ و نه‌هێلانا ناسنامه‌یا كوردان بوو، راگه‌هاند ژى، دڤێت هه‌رده‌م ئه‌ڤ تاوانه ل بیر بمینن و هانده‌ر بن بۆ داكۆكیكرنێ ل مافێن نه‌ته‌وه‌یی و نیشتیمانى و پاراستنا قه‌واره‌یێ هه‌رێما كوردستانێ.
مه‌سروور بارزانى، ره‌خنه ل حكومه‌تا فیدرال ژى گرتن و دبێژیت: جهێ مخابنى و دلگرانییه‌كا كویره، پشتى رۆخاندنا رژێما به‌عس، حكومه‌تێن ئێك ل دویڤ ئێك یێن ئیراقێ ئاماده نینن، ب ره‌نگه‌كێ هه‌ژى قه‌ره‌بۆیا كه‌سوكارێن شه‌هیدێن حه‌له‌بچه و قوربانیێن هه‌وێن ئه‌نفالان و تاوانێن دى بكه‌ن، كو مافه‌كێ ره‌وا و ده‌ستوورى یێ خه‌لكێ كوردستانێ یه، ته‌نانه‌ت نها ئاماده نینن رێكارێن ب پارێزگه‌هبوونا حه‌له‌بچه تمام بكه‌ن.