سوبه‌هى دویماهى ژڤانێ كومسیۆنا بلندا سه‌ربخۆ یا هه‌لبژارتنێن ئیراقێ یه بۆ پێشكێشكرنا لیستا ناڤێن به‌ربژاران بۆ هه‌لبژارتنێن په‌ڕله‌مانێ كوردستانێ ژلایێ پارت و هه‌ڤپه‌یمانیێن سیاسى، لێ تا نها پارتى و ئێكه‌تیێ لیستا به‌ربژارێن خۆ پێشكێش نه‌كرینه.
تا نها 3 جاران ژڤانێ ئه‌نجامدانا هه‌لبژارتنێن په‌ڕله‌مانێ كوردستانێ هاتیه پاشخستن و دویماهى جار سه‌رۆكێ هه‌رێما كوردستانێ بڕیار دا ل رۆژا 10ى خزیرانا بهێت هه‌لبژارتن بهێنه كرن.
ل رۆژا چارشه‌مبا بۆرى سه‌رۆك مه‌سعوود بارزانى هه‌لوه‌ستێ پارتى دوپاتكر، ئه‌و خوازیارێن برێڤه‌چوونا هه‌لبژارتنانه لێ دویر ژ ده‌ستوه‌ردرانێن ده‌ره‌كى و بڕیارێن سیاسى یێن مه‌به‌ستدار یێن دادگه‌ها فیدرال كو ئارمانج ژ ێ شكاندنا پارتى بیت و د نها دا چاڤ هه‌مى لسه‌ر پارتینه، دێ بڕیارا پشكدارى یان بایكۆتكرنا هه‌لبژارتنان ده‌ت.