سه‌رۆكایه‌تییا كۆمارییا عیراقێ دڕاگه‌هاندنه‌كێدا ل دۆر كۆمبوونا له‌تیف ڕه‌شید سه‌رۆككۆمارێ عیراقێ و سه‌رۆكێ دادگه‌ها بلندا فیدرالییا عیراقێ دیاركر، ده‌ستهه‌لاتدارێن هه‌رێما كوردستانێ خۆدان هه‌موو ده‌ستهه‌لاتێن ده‌ستوورى و فیدرالینه، ب وى مه‌رجى ئه‌و ده‌ستهه‌لاته ب دژى ده‌ستوورى و ده‌ستهه‌لاتێن دادگه‌ها فیدرالى نه‌بن.
له‌تیف ڕه‌شیدى دكۆمبوونێدا ئاماژه ب هندێ دا، ده‌ستهه‌لاتێن دارایى، گومرك، بازرگانى و سنوورێن وان د ده‌ستهه‌لاتێن تایبه‌تێن حكومه‌تا ناڤه‌ندیدانه، لێ بجهئینانا وان و دیتنا ڕێكارێن بجهئینانێ د چارچووڤێ ده‌ستهه‌لاتا هه‌رێمێدایه.
ئاماژه ب هندێ ژى دا، ل دووڤ ڕاگه‌هاندنا وه‌زاره‌تا دارایى، هژمارا بانكییا مووچه‌خۆرێن هه‌رێما كوردستانێ پێدڤى ب ده‌مییه، له‌وما پێدڤییه مووچه‌خۆر ب شێوه‌یێ كاش مووچه‌یێ خوه وه‌ربگرن هه‌تا مووچه‌یێ وان دكه‌ڤیته سه‌ر هژمارێن بانكى.