ڕێڤه‌به‌رێ ڕێڤه‌به‌رییا ئاڤا ئاكرێ ڕاگه‌هاند، بارانێن ڤێ دووماهییێ ژێده‌رێن ئاڤێ ل قه‌زا ئاكرێ زێده‌كرینه، مه‌ترسییا هشكه‌سالییێ ژى هه‌تا ڕاده‌یه‌كێ مه‌زن دووركه‌ڤتییه.
ئەندازیار زرار ئەحمەد ڕێڤه‌به‌رێ ئاڤا ئاكرێ دیاركر، حكومه‌تا هه‌رێما كوردستانێ دێ ل هه‌یڤا نیسانێ ڕاگه‌هینیت، كا هشكه‌سالى ڕوودایه یان نه، لێ ل دووڤ پێشبینییێن وان نابیته هشكه‌سالى، ژبه‌ركو بارانێن ڤێ دووماهییێ ژ پیڤه‌رێن هشكه‌سالییێ ده‌ركه‌ڤت.
ئاماژه ب هندێ دا، ژ ئه‌نجامێ بارانێن ئه‌ڤساله، ئاڤا بیرێن ل سه‌ر ئه‌ردى و كانى و ڕووباران ب تایبه‌تى ئاڤا كانییێن سنۆرێ ناحییا دینارتێ و بجێل گه‌له‌ك زێده‌بوویه، هنده‌ك كانى وه‌سا پرى ئاڤ بووینه، ژ سالا 2019ێ وه‌ره ب وى شێوه‌ى زێده نه‌بووینه.
سه‌باره‌ت زیانێن بارانێن ڤێ دووماهییێ ئاشكراكر، چ زیانێن وه‌سا مه‌زن نه‌بووینه، ب تنێ ل ڕووبارێن زێ و خازرى هنده‌ك زیان هه‌بوون، لێ وان كونترۆل ل سه‌ر كرییه و هه‌موو كێماسى هاتینه چاره‌سه‌ركرن.