ئاژانسا فرانس پرێس لسەر زارێ دەزگەهێ هەوالگیری یێ پاکستان بڵاڤکر، لەشکەرێ پاکستان چەند ئامانجەک دناڤ ئاخا ئیرانێدا بۆردوومان کرن.
بەرپرسێن هەواڵگیریا پاکستان بەحسا وێ ئێکێ ژی کریە، بارەگایێ چەند گرووپەکێن چەکداری دناڤ ئاخا ئیرانێدا ب ئامانج گرتنە.
تەکەز ژی لسەر وێ ئێکێ کر، د پاشەرۆژەکا نزیکدا حکوومەتا پاکستانێ دێ راگەهاندنەکا فەرمی لسەر ئەنجامدانا وێ هێرشا دناڤ ئاخا ئیرانێدا بڵاڤکە.
میدیایێن ئیرانی ژی ئاشکراکر، دەنگێ پەقینێن بهێز ل باشوورێ وی وڵاتی هاتیە.
ئەڤە د دەمەکێدایە، کۆ 16ێ ڤێ هەیڤێ لەشکەرێ پاسدارێن ئیرانێ هێرشکریە سەر چەند پێگەهێن گرووپێن چەکدار ل هەرێما بلوچستان یا پاکستانێ، کۆ ب ئەگەرێ وان هێرشان دوو زارووک هاتنە کوشتن.