هه‌لبژارتییێ عیراقێ سه‌ركه‌ڤتنا سێێ ل دووڤ ئێك د كۆما چارێ یا كوپا ئاسیا 2023ێدا تۆماركر، ڤێ جارێ ل سه‌ر هه‌لبژارتییێ ڤێتنام ب سێ گۆلان به‌رامبه‌ر دوو گۆلان ژ چارچووڤێ یارییێن گه‌را سێیێ و دووماهییێ ژ قووناغا كۆمان.
گۆلێن عیراقێ ب ڕێیا ئه‌یمه‌ن حسێن دوو گۆل و ڕێبین سۆلاقای هاتنه تۆماركرن.
ب ڤێ سه‌ركه‌ڤتنێ عیراقێ خالێن خوه گه‌هاندنه نه‌هـ خالان و وه‌كو سه‌ركێشا كۆما چارێ ده‌ربازبوو قووناغا 16ێ، هه‌لبژارتییێ ژاپۆن وه‌كو خودانا ڕێزا دووێ ب شه‌ش خالان پلێتا ده‌ربازبوونێ ب ده‌ستڤه‌بر، ئیندونیسیا ژى دناڤ تیمێن ڕێزێن سێیێ دایه و ده‌رفه‌ت هه‌یه بگه‌هیته كاروانێ هه‌لبژارتییێن ده‌ربازبووى، دبه‌رامبه‌ردا ڤێتنام بێى خال ل ڕێزا چارێ یا كۆمێ هات و ژ قاره‌مانییێ ده‌ركه‌ڤت.
دهێته زانین ئه‌ڤه دبیته جارا ئێكێ د دیرۆكا خوه‌دا، عیراق سێ سه‌ركه‌ڤتنان ل دووڤ ئێك دقووناغا كۆمێن ئاسیادا تۆماردكه‌ت.