سه‌رۆكێ دەستەیا گەشتوگوزارا هەرێما کوردستانێ راگەهاند كۆ ساڵا بووری حەفت ملیۆن گەشتیار هاتنە هه‌رێما کوردستانێ.
ئه‌ڤرۆ دووشەمبی 15ێ 1ێ 2024، ئەمەل جەلال، سەرۆکێ دەستەیا گەشتوگوزارا هەرێما کوردستانێ، د پرێس کۆنفرانسەکێدا راگەهاند، د ساڵا 2021دا چار ملیۆن و ساڵا 2022 شەش ملیۆن گەشتیار و هه‌روه‌سا ساڵا 2023دا حەفت ملیۆن و 279 هزار گەشتیار هاتنە هه‌رێما کوردستانێ، ئەڤە ژبلی وێ ئێکێ کۆ 2 ملیۆن و نیڤ وڵاتیاتیێن کوردستانێ ژ نافخۆ گەشت بۆ دەڤەرێن دی کریە.
بەحسا وێ ژی کر، کۆ د ماوێ چار ساڵێن کابینەیا نەهێ یا حکوومەتا هەرێما کوردستانێ قەبارێ وەبەرهێنانێ بۆ حەفت ملیار و 387 ملیۆن دیناران بلند بوو و بڤێ سەدەمێ بوویە ئێکەم سێکتەر ل قەبارەیێ داهاتی.
گوتژی، د ساڵا 2023دا مۆڵەت بۆ 27 پڕۆژێن گەشتیاری هاتیە دان کۆ گوژمێ هەمیا ئێک ملیار و 500 ملیۆن دینار بوو، هەروەسا 66 پڕۆژە ژی ب کرێ هاتنە دان، کۆ ب وێ ئەگەرێ نوکە زێدەتر ژ 100 هزار دەرفەتێن کاری ل هەمی دەڤەرێن گه‌شتیاری هاتنە رەخساندن.