د ئێکەم هەلویستێ فەرمی دا، پشتی هێرشێن بەرێ سپێدەهیا ئەڤرۆ یێن ئەمریکا ل دژی حەشدا شەعبی، شیرەتکارێ ئاساییشا نشتیمانی یا ئیراقێ ئەو هێرش ب بنپێکرنا سەروەریا ئیراقێ ناڤ کرن.
قاسم ئەعرەجی، شیرەتکارێ ئاساییشا نشتیمانی یا ئیراقێ د تۆرا جڤاکی یا ئێکس دا راگەهاند: هێرشێن ئەمریکا ل پارێزگەهێن بابل و ئەنبار، بنپێکرنەکا رۆن یا سەروەریا ئیراقێ نە و ب چ رەنگان نابنە ئەگەر بۆ ئارامکرنا رەوشا نوکە هەی.
ئەعرەجی دیار ژی کر: پێدڤیە ل جهێ ئەمریکا هێرشی ئیراقێ بکەت، فشاران بۆ راگرتنا هێرشێن ل سەر غەزە بکەت، داکو رەوش ئارام ببیت.
ل بەرێ سپێدەهیا ئەڤرۆ رۆژا چارشەمبی، ئەمریکا ژمارەکا بارەگەهێن حەشدا شەعبی ل پارێزگەهێن بابل و ئەنبار کرنە ئارمانج و ل گۆرەی زانیاریێن دەستپێکی، کوشتی و بریندار هەنە.