ئۆفیسا سه‌رۆكێ فره‌نسا راگه‌هاند كو ئێلیزابێس بۆرن سه‌رۆكوه‌زیرا فره‌نسا ده‌ستژكاركێشا.
ده‌ستژكاركێشانا سه‌رۆك وه‌زیرا فره‌نسا ل ده‌مه‌كێ دهێت پشتى ژماره‌یه‌كا ئالۆزیێن سیاسى ل ڤێ دویماهیێ ل دۆر یاسایه‌كا كۆچبه‌ریێ په‌یدابووین، ئه‌و یاسایه ژ لایێ ئیمانوێل ماكرۆن سه‌رۆكێ فره‌نسا ڤه ژ بۆ بساناهیكرنا دیپۆرتكرنا هنده‌ك كۆچبه‌ران پشته‌ڤانى لێ دهێته كرن.
بۆرن ل گۆلانا سالا 2022 ببوو سه‌رۆكوه‌زیرا فره‌نسا پشتى سه‌ركه‌فتنا ماكرۆنى د هه‌لبژارتنێن سه‌رۆكاتیا فره‌نسا دا بۆ ویلایه‌تا دوێ، ئه‌و دوه‌م سه‌رۆكوه‌زیرا ژنه د دیرۆكا فره‌نسا دا.
ل گۆره‌ى به‌یانه‌كا ئۆفیسا ماكرۆنى "ئێلیزابێس بۆرن سه‌رۆكوه‌زیرا فره‌نسا ده‌ست ژكاركێشا".
ديار ژى كریه "بۆرن دێ د سه‌ره‌ده‌ریێ دا ل گه‌ل بابه‌تێن ناڤخۆیى یێن رۆژانه یێن حكومه‌تێ به‌رده‌وام بیت هه‌تا ده‌مێ دانانا سه‌رۆكوه‌زیره‌كێ نوى".