د. عەلی قەرەداغی پێشتر ئەمیندارێ گشتییێ ئیكه‌تییا جیهانی یا زانایێن ئیسلامێ و ئێک ژ دامەزرێنەرێن وێ بوو، ئەڤرۆ بوویه سەرۆکێ وێ ئێكه‌تییێ.
ئه‌ڤرۆ دوشەمبی، 8 ی کانوونا دووێ 2024 ێ، کۆنگرێ شه‌شێ یێ وێ ئێكه‌تییێ، ل دەوحەیا پایتەختێ قەتەر هاته كرن و تێدا پرۆفیسۆر د. عەلی قەرەداغی دەنگێن 91% یێن پشكدارێن کۆنگرێ ئێكه‌تییا جیهانی یا زانایێن ئیسلامێ ب ده‌ستڤه‌ئینا و بوویه سەرۆکێ وێ ئێكه‌تییێ.
د. عەلی قەرەداغی، زانایێ کوردێ ئایینێ ئیسلامێ ل سالا 2004 ێ" ل گه‌ل كۆمه‌كا زاناىێن جیهانى، ئێكه‌تییا جیهانی یا زانایێن موسلمان دامه‌زراند، ل سالا 2011 ێ" بوویه ئەمیندارێ گشتییێ ئێكه‌تییا جیهانی یا زانایێن ئایینێ ئیسلامێ؛ یوسف قەرزاوی، زانایێ ئیسلامێ یێ میسری سەرۆکێ وێ ئێكه‌تییێ بوو، پشتی ل هه‌یڤا ئیلۆنا 2022 ێ" وه‌غه‌ركری، ئه‌ڤرۆ د. عه‌لی قه‌ره‌داغی بوویه سه‌رۆكێ وێ ئێكه‌تییێ.