ل سه‌ر داخوازا هه‌رێما كوردستانێ بریارە ئه‌ڤرۆ جڤاتا وه‌زیرێن ئیراقێ کۆم ببیت و دەنگی ل سەر راستڤەکرنا یاسایا بودجەیا فیدرال بدەت.
ل گۆرەی زانیاریان، د کۆمبوونا ئه‌ڤرۆ یا جڤاتا وەزیرێن ئیراقێ دا دێ تێبینی و پێشنیازێن هەرێما کوردستانێ دەربارەی یاسایا بودجێ کەڤنە بەر دەنگدانێ داکو یاسا بهێتە راستڤەکرن.
زانیاری دوپاتی ل وێ یەکێ دکەن کو چەند پێشنیاز هاتینە کرن، ئێک ژ وان مووچەیێ فەرمانبەرێن هەرێما کوردستانێ بکەڤیتە سەر خەرجیێن حاکیمە و ب هەمان رەنگێ پارێزگەهێن دی یێن ئیراقێ مووچەخۆرێن هەرێما کوردستانێ ژی د دەمێ خۆدا مووچەیی وەربگرن و بەنکا ناڤەندی یا ئیراقێ لقەکێ خۆ ل هەرێما کوردستانێ ڤەکەت و راستەوخۆ سەرپەرشتیا بەلاڤکرنا مووچەیان بکەت.