پێله‌كا دژوار یا به‌فرێ ب سه‌ر رۆژئاڤایێ ئه‌مریكا دا هات و بوو ئه‌گه‌ر سه‌دان هزار مال بێ كاره‌ب بمینن، هۆشدارى ژى چێبوونا به‌ستیێ دهێنه دان.
ل گۆڕه‌یى ده‌سته‌یا سه‌قاناسیا نشتیمانى یا ئه‌مریكا، پێله‌كا دژوار یا به‌فرێ رۆژئاڤا ناڤین یا ئه‌مریكا ڤه‌گه‌ڕتیه و دیاركریه، پله‌یێن گه‌رمێ گه‌له‌ك داكه‌فتینه كو ل هنده‌ك ده‌ڤه‌رێن وه‌ك چیایێ رووكى و سهوول گه‌هشتینه به‌ستى و جه‌مه‌دێ.
ل گۆڕه‌یى ده‌سته‌یا فڕۆكڤانیا ئه‌مریكا، هه‌ر ژ به‌ر وێ به‌فرێ زێده‌تر ژ حه‌فت هزار گه‌شتێن فڕۆكه‌یان هاتیه پاشخستن.
ل گۆڕه‌یى ژێده‌رێن ناڤخۆ كاره‌ب ژ 151 هزار مالان ل مشیگان هاتیه بڕین و هه‌روه‌سا ئه‌و به‌فر بوویه ئه‌گه‌ر 200 هزار مالێن ویلایه‌تێن ئاوریگۆن و ویسكونسن بێى كاره‌ب بمینن.