جێگرێ سه‌رۆكوه‌زیرێن عیراقێ بۆ كاروبارێن وزێ و وه‌زیرێ په‌ترۆلا عیراقێ حه‌یان عه‌بدولغه‌نى ڕاگه‌هاند، وه‌زاره‌تا په‌ترۆلێ كار بۆ زێده‌كرنا به‌رهه‌مئینانا په‌ترۆلێ و بجهئینانا پێدڤییێن پلانا پێنج سالی بۆ گه‌هشتن ب ڕێژه‌یا به‌رهه‌مئینانا شه‌ش ملیۆن به‌رمیلان دئێك ڕۆژدا دكه‌ت.
سه‌باره‌ت كه‌رتێ قه‌ره‌بووكرنێ، وه‌زیری په‌ترۆلێ گوت: ئه‌وان بلندبوونه‌كا به‌رچاڤ د به‌رهه‌مئینانێدا بده‌ستخستییه و وان پلان هه‌یه ئارمانجێن خوه بجهبینن.
ئاماژه ب هندێ ژى كر، ئه‌و د پێشڤه‌برنا پرۆژه‌یین وه‌به‌رهێنانا گازا په‌یوه‌ندیدار دا دسه‌ركه‌ڤتیبوون، ل ماوێ چه‌ند ڕۆژێن بوورى ڕێژه‌یا وه‌به‌رهێنانا گازێ ل كێلگه‌هێن په‌ترۆلێ زێده‌بوویه و ئه‌ڤساله‌ژى دێ ( 200 ) كێلگه‌هان زێده‌كه‌ن كو كۆمپانییا گازا به‌سرا به‌رهه‌مئیناینه، وێ كۆمپانییێ سۆزا زێده‌كرنا كێلگه‌هێن كۆمپانییێن په‌ترۆلا میسان و زیقار ژى دایه.
عه‌بدولغه‌نى گوت ژى: ئه‌و كار بۆ ده‌ستپێكرنا هنارده‌كرنا په‌ترۆلا خاڤ ب ڕێیا هه‌رێما كوردستانێ بۆ زێده‌كرنا داهاتێ دارایى بۆ پشته‌ڤانیكرنا گه‌نجینه‌یا ده‌وله‌تێ دكه‌ن.
ئاشكرا ژى كر، ل سالا 2023ێ داهاتێ دارایى دێ ژ وێ زێده‌تر بیت یا پلان بۆ هاتییه دانان، هیڤییا وان ئه‌وه د سالا نوودا ده‌ستكه‌ڤته‌كێ زێده‌تر بده‌ستڤه‌ببه‌ن.