ئاکرێ نیوز
شه‌ربه‌تا هناران گه‌له‌ك پێكهاته‌یێن گرنگ بۆ له‌شى وه‌كى ڤیتامین و كانزایان و دژه‌ئۆكسانان تێدا هه‌نه و بۆ پاراستنا مرۆڤى ژ نه‌خۆشیێن دلى و ژماره‌یه‌كا نه‌خۆشیێن دى هاریكاره.
مالپه‌رێ Gazeta.ru ژ هنده‌ك شاره‌زایێن ساخله‌میێ ڤه‌گوهاستیه "خوارنا شه‌ربه‌تا هناران گه‌له‌ك مفایێن ساخله‌میێ هه‌نه، لێ پێدڤیه مرۆڤ زێده‌ى پێدڤیاتیێ نه‌ڤه‌خۆت دا ژ كارتێكرنێن نه‌رێنى یێن وى بهێته پاراستن".
ل گۆره‌ى وان شاره‌زایان، شه‌ربه‌تا هنارێ زه‌ڤله‌كا دلى ب هێز دكه‌ت هه‌روه‌سا رێژه‌یا هیموگلۆبینى د خوینێ دا زێده دكه‌ت، زێده‌بارى ڤێ چه‌ندێ، ئه‌و مه‌ترسیێن هه‌ودانان د له‌شى دا كێم دكه‌ت.
دیار ژى كرینه "شه‌ربه‌تا هناران دژه‌ئۆكسان تێدا هه‌نه هه‌روه‌سا ب گه‌له‌ك ڤیتامینێن وه‌كى C و E و K یا ده‌وله‌مه‌نده"، ئه‌ڤ پێكهاته‌یێن هه‌نێ ژى رۆله‌كێ مه‌زن د باشتكرنا ساخله‌میا مرۆڤى و پاراستنا مرۆڤى ژ نه‌خۆشیان دا هه‌نه.
شه‌ربه‌تا هناران هه‌روه‌سا گه‌له‌ك فایبه‌ر تێدا هه‌نه و هه‌ڤسه‌نگیا میكرۆبیۆما رویڤیكان ب هێز دكه‌ت، هه‌روه‌سا ڤیتامین C یا د هناران دا، به‌رهه‌مئینانا كولاجینێ ب هێز دكه‌ت هه‌روه‌سا مرۆڤى ژ مه‌ترسیا ره‌قبوونا ده‌مارێن خوینێ دپارێزیت.
هنده‌ك لێكۆلینێن به‌رى نوكه ژى ئاماژه داینه مفایێ هناران ژ بۆ پاراستنا مرۆڤى ژ نه‌خۆشیا په‌نجه‌شێرێ هه‌روه‌سا ژ بۆ پاراستنا ساخله‌میا دلى و بۆریێن خوینێ.