هه‌رێم ل ژێر گه‌فێ یه و دڤێت خۆ ئاماده بكه‌ین و بزانین چاوا دێ به‌رده‌وامیێ ب هه‌رێمێ بده‌ین و هۆشدارى ژى دا كو دادگه‌ها فیدرالى بڕیارا داخستنا نوونه‌راتیێن هه‌رێمێ بده‌ت، لێ نابیت بهێته قه‌بوولكرن.
هشیار زێبارى، ئه‌ندامێ مه‌كته‌با سیاسى یا پارتى ل هەولێرێ د کۆنفرانسێ نوینەراتیێن حکومەتا هەرێمێ دا پشكدارى دیبه‌یته‌كێ بوو و راگه‌هاند: "مه‌ترسى هه‌یه دادگه‌ها فیدرالى یا ئیراقێ بریارا گرتنا نوینه‌راتیێن هه‌رێمێ بده‌ت، لێ هه‌بوونا نوینه‌راتیێن دپلۆماسى مافه‌كێ ده‌ستوورى و قانوونى یێ هه‌رێمێ یه و نابیت بهێته قه‌بیلكرن"
هه‌روه‌سا گۆت: بڕیارێن دادگه‌ها فیدرال مه‌ترسى دروستكریه كو دادگه‌ها فیدرال بڕیارا گرتنا نوونه‌راتیێن حكومه‌تا هه‌رێمێ بده‌ت و دڤێت هه‌رێمل دژ راوه‌ستیت و هه‌روه‌سا گۆت: كوردان چه‌ند خه‌با كریه و چه‌ند قوربانى و شه‌هید و ماندیبوون دایه لێ دڤێت راستیه‌ك بهێته به‌رچاڤكرن كو ئه‌ڤ هه‌رێما كوردستانێ ب ته‌ده‌خوله‌كا نێڤده‌وله‌تى دروستبوویه.
ئه‌ندامێ مه‌كته‌با سیاسى یا پارتى ئاشكراكر، هه‌بوونا نوونه‌راتیێن هه‌رێمێ ل گۆڕه‌یى ده‌ستوورێ ئیراقى، سیاسه‌تا ده‌رڤه گرێدایى هه‌رێمانه و ئه‌و ته‌مسیلا دبلۆماسى یا هه‌رێما كوردستانێ یا هه‌یى هنده‌ك وه‌لاتان نینه و ئه‌ڤه مافێ هه‌موو پارێزگه‌هێن ئیراقێ یه كونسلخانه‌هه‌بن.
هشیار زێبارى دبێژیت: هه‌رێم ل ژێر گه‌فێ یه و دڤێت خۆ ئاماده بكه‌ین و بزانین چاوا دێ به‌رده‌وامیێ ب هه‌رێمێ بده‌ین، ل ده‌مه‌كى دیاركر، ئه‌ڤه درێژترین حوكمڕانیا كوردى یه ب درێژاهیا دیرۆكێ و ل ده‌مه‌كى هه‌رێم ژى نه‌بوو، لێ دبلۆماسیه‌تا وێ ل وه‌لاتان هه‌بوو.