په‌یڤدارێ وه‌زاره‌تا پلاندانانا عیراقێ ڕاگه‌هاند، دگه‌ل بدووماهی هاتنا سالا 2023ێ و ده‌ستپێكا ئه‌ڤ ساله، ژمارا ئاكنجیێن عیراقێ گه‌هشتییه 43 ملیۆن و 344 كه‌سان.
هه‌بدولزه‌هره هینداوی، په‌یڤدارێ وه‌زاره‌تا پلاندانانێ یا عیراقێ د ڕاگه‌هاندنه‌كێ دا ئاماژه ب هندێ دا، ل عیراقێ ئه‌وێن ژییێ وان دبن 15 سالییێدانه، مه‌زنترین ته‌خا ئاكنجییان پێكدئینیت و رێژاوا ژ 41%یه، ل سه‌ر ئاستێ تۆپۆگرافایێ ده‌ڤه‌رێن پترین قه‌بارێ ئاكنجییان ب رێژا 69.9% ل باژێرانن و رێژا 30.1% ئاكنجیێن گوندانن .
ل دووڤ زانیاریێن هینداوی، دگه‌ل ب دووماهی هاتنا سالا 2023ێ و ده‌ستپێكا ئه‌ڤ ساله، ژمارا ئاكنجیێن عیراقێ گه‌هشتییه 43 ملیۆن و 324 كه‌سان.
ئه‌ڤه‌ژی د ده‌مه‌كی دا، عیراق د رێزبه‌ندییا پێنجێ یا وان وه‌لاتانداییه كو پترین كاریگه‌رییا گوهۆرینا ژینگه‌هێ ل سه‌ره، دهێته پێشبینی كرن د داهاتی دا ژ ئه‌گه‌رێ ئه‌وێ گوهۆرینێ ئاكنجیێن گوندان ژی بهێنه باژێران .
دیاركر ژی، دیارترین ئه‌و ئاسته‌نگێن د قۆناغێن داهاتی دا ڕووبه‌ڕووی عیراقێ دبن، زێده‌بوونا رێژا ئاكنجییانه.