موبایلا نوى یا سامسۆنگێ ب ناڤێ گالاكسى S24 ل سالا بهێت دێ كه‌ڤیته د بازاران دا و بهایێ وێ یێ پێشبینیكرى هاته ئاشكراكرن.
كۆمپانیا سامسۆنگ كار ل سه‌ر به‌رده‌ستكرنا نڤشێ بهێت ژ موبایلێن گالاكسى دكه‌ت كو ژ گالاكسى S24 و گالاكسى S24 پله‌س و یا ژ هه‌میان باشتر و گرانتر گالاكسى S24 ئه‌لترا پێكدهێت.
ل گۆره‌ى راپۆرته‌كا ئێك ژ ده‌زگه‌هێن راگه‌هاندنێ یێن كۆریا باشوور، پلانا سامسۆنگێ ئه‌وه كو بهایێ نڤشێ نوى یێ موبایلێن گالاكسى S24 هه‌مان بهایێ نڤشێ به‌رى وێ S23 بیت ده‌مێ ده‌ستپێكێ هاتینه د بازارى دا.
بهایێ گالاكسى S23 ل ده‌مێ كه‌فتیه د بازارى دا ژ 799 دۆلاران ده‌ستپێدكر، گالاكسى S23 پله‌س ژ 999 دۆلاران ده‌ستپێدكر و گالاكسى S23 ئه‌لترا ژ 1199 دۆلاران ده‌ستپێدكر.
ئارمانجا سامسۆنگێ ژ ڤێ چه‌ندێ ئه‌وه كو فرۆشتنا موبایلێن خۆ د ئه‌ڤ ساله دا ب رێژه‌یا 10% ب هه‌ڤبه‌ركرن ل گه‌ل سالا به‌رى وێ زێده‌تر بكه‌ت.
راپۆرتێ ئاماژه ب وێ چه‌ندێ ژى كریه كو موبایلێن نوى یێن سامسۆنگێ دێ خزمه‌تگۆزاریا په‌یوه‌ندیكرنێ ب هه‌یڤێن ده‌ستكرد تێدا هه‌بیت، هه‌روه‌سا جۆرێ ئه‌لترا دێ پرۆسێسه‌رێ كوالكۆم سناپدراگۆن 8 نڤشێ سیێ تێدا هه‌بیت.