ئاکرێ نیوز
سەڕۆکێ لیژنا رێکخستن و دویڤچوون و کونتڕۆلا بازاری ل دەڤەردارییا ئاکرێ و بەرپرسێ بنگەهێ چاڤدێرییا بازرگانی ل ئاكرێ ئامار و چاڵاکی یێن ساڵا ٢٠٢٣ راگەهاندن.
شهاب یاسین" سەڕۆکێ لیژنا رێکخستن و دویڤچوون و کونتڕۆلا بازاری ل دەڤەردارییا ئاکرێ و بەرپرسێ بنگەهێ چاڤدێرییا بازرگانی ل ئاكرێ، دیاركر كو د ئەڤ ساڵەدا (٣٤)تەن و (٣٦٠) کگم كەل و پەلێن دەم بسەرداچوویی هاتینە ژناڤبرن، ژ وان (٤) تەن دەرمان بوون، زێدەباری ماست وهێک و گۆشتێ سپی و سۆر و مێلاكا مریشكێ یا قەدەغەكری.
هەروەها دیارکر، کو د ئەڤێ ساڵێ دا، (٤٢٢٧) جهـ هاتینە سەرەدانکرن، ژ وان (٩٣١) جهان هۆشداری پێ هاتییە دان و (١١٠) جهـ هاتینە سزادان و سەرجەمێ سزایان (١٠) ملیۆن و (٥٠٠) هزار دیناربووینە، و (٩) جهـ ژ لایێ دەڤەردارییا ئاکرێ هاتینە دائێخستن.
هەر د وێ داخویانیێ دا ناڤبری ئاشكرا كر ژی
"كو ئەو كەل و پەل ژ لایێ هۆبا - ئابووری یا رێڤەبەری یا ئاساییشا ناڤ شار و دەوروبەر ل ئاكرێ و چاڤدێرییا بازگانی و لیژنا چاڤدێرییا جوانکاریان هات بوون وەرگرتن و دەست بسەرداگرتن، لەورا ژی سوپاسی يا كارمەندێن ئاساییشێ و چاڤدێرێن چاڤدێرییا بازرگانی كر، ژ بۆ ئەرك و ماندیبونا وان و چاڤدێرییا بەردەوام یا بازاری، پێخەمەت پاراستنا ساخلەمییا گشتی یا هەڤوەلاتییان ل سنورێ ئاكرێ، هەر وەها سۆپاسییا وان فروشگەهـ و دەرمانگەهـ و دەرمانخانەیان ژی كر، ئەوێن كەل و پەل و دەرمانێن خوە یێن دەم بسەرڤەچوویی رادەستی لایەنێن پەیوەندیدارێن لیژنا هەڤشکا دەڤەرداری یا ئاکرێ كرین.