كريسمس، جه‌ژنا ژ دايكبوونا حه‌زره‌تێ عيسا “سلاڤێن خودێ ل سه‌ر بن” ل هه‌موو كريستيانان ل كوردستانێ، عێراقێ و جيهانێ ب گشتى پيرۆز د‌كه‌م" هيڤییا جه‌ژن و بێهنڤه‌دانه‌كا ئارام و ده‌مه‌كێ خۆش بۆ وان دخوازم.
د ڤێ هه‌لكه‌فتێ دا، ته‌كه‌زییێ ل سه‌ر كلتوور و بهایێن بلندێن گه‌لێ كوردستانێ ل پێكڤه‌ژيان و لێبورینێ و قه‌بوولكرنا ئێكودو دكه‌ين" وه‌لاتییێن كريستيان و هه‌موو پێكهاتێن ئايينى و نه‌ته‌وه‌يان دل ئارام دكه‌ين كو كوردستان وه‌ك هه‌رده‌م دێ وه‌لاتێ مه هه‌موویان پێكڤه بیت.
گه‌لێ كوردستانێ ب هه‌موو پێكهاتێن خۆڤه پێكڤه قوربانی داینه، خه‌بات كرییه و زه‌حمه‌ت دیتییه بۆ هندێ ب ئازادى بژين" ئه‌م هه‌موو دێ ته‌ڤا و پێكڤه ته‌حه‌ددی و قه‌يرانان ده‌ربازكه‌ین و ژ پێخه‌مه‌ت پاشه‌رۆژه‌كا باشتر بۆ نفشێن مه، دێ خزمه‌تا گه‌ل و وه‌لاتی كه‌ين.
كريسمس ل هه‌موویان پيرۆز بیت، هه‌موو ساله‌ك ب خۆشى.
نێچيرڤان بارزانى
سه‌رۆكێ هه‌رێما كوردستانێ