ده‌نگدانا تایبه‌ت بۆ هه‌لبژارتنێن جڤاتێن پارێزگه‌هێن ئیراقێ ده‌ستپێكر و تا ده‌مژمێر شه‌شى ئێڤارى دێ به‌رده‌وام بیت.
خالد عه‌باس، رێڤه‌به‌رێ ئۆفیسا دهۆك یا كۆمسیۆنا هه‌لبژارتنێن ئیراقێ راگه‌هاند: ده‌مژمێر هه‌شتى سپێدێ بنگه‌هێن ده‌نگدانێ بۆ هه‌لبژارتنێن جڤاتێن پارێزگه‌هێن ئیراقێ هاتینه ڤه‌‌كرن و پرۆسه گه‌له‌ك ب باشى دهێته برێڤه‌برن و پترى 54 هزار كه‌سان ژ ئاواره و هێزێن تایبه‌ت ل 34 بنگه‌هێن جودا ل سنۆرێ پارێزگه‌ها دهۆكێ مافێ ده‌نگدانێ هه‌یه.
گۆت ژى: هه‌ر ئاواره‌یه‌كێ خۆ تۆماركرى، دشێت ل نێزیكترین بنگه‌هـ ده‌نگێ خۆ بده‌ت، لێ ئه‌و ئاواره‌یێن نه‌هاتینه تۆماركرن، دڤێت بۆ ده‌نگدانا گشتى ل رۆژا 18 ى ڤێ هه‌یڤێ ڤه‌گه‌رنه جهێن خۆ ل شنگال و مویسل، دا كو ده‌نگێ خۆ بده‌ن