ئاسایشا هه‌ولێرێ راگه‌هاند، تۆمه‌تباره‌ك ب ناڤێ (ع. ی. ع.) ب تۆمه‌تا ئه‌نجامدانا سه‌خته‌كاریان و دروستكرنا مۆرێن سه‌خته هاته ده‌سته‌سه‌ركرن.
رێڤه‌به‌ریا ئاسایشا هه‌ولێرێ د راگه‌هاندنه‌كێ دا به‌لاڤكر، د ڤه‌كۆلینان دا دیار بوویه، تۆمه‌تبار (ع. ی. ع.) ل ژێر ناڤێ كۆمپانیه‌كێ رابوویه ب ساخته‌كرنێ و دروستكرنا نڤیسارێن رێكخراوێن نێڤده‌وله‌تى و سازیێن خێرخوازى و دروستكرنا مۆر و پسۆله‌یێن ساخته و ب ناڤێ چه‌ندین كۆمپانیێن نه دیار (وه‌همى) ته‌نده‌ر پێشكێشى رێكخراوێن خێرخوازى كرینه.
دیاركر ژى، هژماره‌كا ته‌نده‌رێن دى ژى وه‌رگرتینه و ل ده‌مێ ده‌سته‌سه‌ركرنێ ژى 80 مۆرێن سه‌خته و چه‌ند چه‌كێن بێ مۆله‌ت ده‌ست بسه‌ر دا هاتیه گرتن.