سه‌رۆكێ حكومه‌تا هه‌رێما كوردستانێ پێشوازى ل بالیۆزێ رۆمانیا ل عیراقێ كر و ب هێزكرنا په‌یوه‌ندییێن دناڤبه‌را هه‌ردوو لایاندا ب تایبه‌تى دبوارێن ته‌كنولۆجیا زانیارییان و كه‌رتێ چاندنێدا گوتوبێژكرن.
مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل رادو دۆبرێ بالیۆزێ رۆمانیا ل عیراقێ كر.
ل دووڤ ڕاگه‌هاندنا حكومه‌تا هه‌رێما كوردستانێ، د دیدارا واندا دووماهى گوهۆرین و پێشهاته‌یێن ڕه‌وشا گشتییا عیراقێ و ده‌ڤه‌رێ و پێشڤه‌برنا په‌یوه‌ندییێن دناڤبه‌را رۆمانیا و هه‌رێما كوردستانێدا هاتنه گوتوبێژكرن.
هه‌ردوو لایه‌ن ل سه‌ر ب هێزكرنا په‌یوه‌ندییێن دوولایانه ب تایبه‌تى د بوارێن توكنولۆجیا زانیارییان و كه‌رتێ چاندنێدا د هه‌ڤرابوون.