نێچیرڤان بارزانی، سەرۆكێ هەرێما كوردستانێ ب هه‌لكه‌فتا سالا نوو یا زایینی پەیامه‌ك به‌لاڤكر...
سالا نوو یا زایینی (2024) ێ" ل خێزانێن سەربلندێن شەهیدان، پێشمەرگەهێن قارەمان، هێزێن ناڤخۆ و هه‌موو كوردستانییان ب هەموو پێكهاتانڤه ل هەر جهه‌كێ بن، ل گەلێن عێراقێ و جیهانێ ب گشتی پیرۆز دكەم" هیڤییا ساله‌كا پڕ ژ ئارامییێ و خۆشییێ و سەركەفتنێ بۆ هەموویان دخوازم.
ژ ئه‌نجامێ لێكەفتێن ره‌وشا سیاسی، ئەمنی، ئابووری و كێشە و قەیرانان ل ڤێ ده‌ڤه‌رێ و عێراقێ و هەرێما كوردستانێ، ساله‌كا دژوار مه ده‌ربازكر و تێدا به‌رهنگاری چەندین مەترسی و ته‌حه‌دیاتان بووین.
نه‌تەڤایی و ناكۆكییێن سیاسی یێن ناڤخۆ، ڕەنگڤه‌دانا خراب ل سەر شییان و پێگەهێ كوردستانێ ل عێراقێ و دەرڤه هەبوو" بووئه‌گه‌رێ هندێ كو هەرێما كوردستانێ نەشییا وەكو پێدڤی ماف و شایستەیێن خۆ یێن دەستووری ب دەستڤه بینیت" هەلبژارتنێن پەرلەمانێ كوردستانێ هاتنه پاشخستن، د هەڵبژارتنێن جڤاتێن پارێزگه‌هان دا ل ده‌ڤه‌رێن مادێ (140) كاریگەرییێن خراب، دیار بوون.
به‌رۆڤاژی ڕێككەفتنێن سیاسی و دەستوورهی، زێده‌باری هەموو گوتۆبێژ و بزاڤ و پابەندییەكێ، گه‌له‌ك ژ ماف و شایستەێن دەستووری یێن هەرێما كوردستانێ ل عێراقێ هاتنه پشتگۆخستن" چەندین جاران ب هێرشێن درۆنی، گه‌ف ل ئارامی و سەقامگیرییا هەرێما كوردستانێ هاتنه كرن.
بجهنه‌ئینانا ڕێككەفتنێن سیاسی و نەهنارتنا شایسته و مافێن دەستووری یێن هەرێما كوردستانێ، ژ بلی زیانێ چ مفایێ دیتر ناگه‌هینیته عیراقێ" ل عێراقێ و هەرێما كوردستانێ دڤێت ئه‌م هەموو ب گیانێ بەرپرسیارەتییا هه‌ڤپشك، ئێكترقه‌بوولكرن و تەڤاییێ، ب گوتۆبێژ و لێكتێگه‌هشتنێ، كاری بۆ چارەسەركرنا ئاریشان و ده‌ربازكرنا قەیرانان بكەین.
بلا د سالا نوو دا ل عێراقێ و هەرێما كوردستانێ، پەند و وانەیان ژ بوری وەرگرین و پێكڤە بەرەف پاشه‌رۆژه‌كا باشتر و سەقامگیر و ئاسوودە پێنگاڤان بهاڤێژین" بلا قەیران و ته‌حه‌دییان بكەینە دەرفەت و بەرژەوەندییا گەل و نیشتمانی، ئارمانج و كۆمكرنا هەموویان بیت" عێراق ب پێكهاتێن خۆڤه یا ب هێز و دەولەمەندە و ب تنێ ب تەڤایی و پێكڤه، ئه‌م هەموو د سه‌ركه‌فتینه.
د ڤێ هه‌لكه‌فتێ دا دووپات دكەین كو هەرێما كوردستانێ ل گەل وه‌لاتێن جیران و ڤێ ده‌ڤه‌رێ و جیهانێ، ل سەر بنەمایێ ڕێز ل ئێكگرتن و بەرژەوەندییا هه‌ڤپشك، پێشڤه‌برنا پەیوەندیییان دده‌ت" وەك هەرده‌م ب فاكتەرێ ئارامی و سەقامگیرییێ و ب هه‌ڤپشكه‌كا كارا یا جڤاكێ نێڤدەولەتی و دێ وه‌لاتێ فره‌ره‌نگییێ و پێكڤەژیانێ مینیت.
ب هیڤی و ئومێدڤه به‌رێ خۆ دده‌ینه پاشه‌رۆژێ و سالا نوو ل هەموویان پیرۆز بیت.
نێچیرڤان بارزانی
سەرۆكێ هەرێما كوردستانێ
2023/12/31