ئه‌ڤرۆ سێشه‌مبی 12ێ 12ێ 2023، ئاژانسا (ڤۆكس میدیا)یا ئه‌مریكی بڵاڤکر کۆ هێرش بۆ سه‌ر دوو بنگەهێن سه‌ربازیێن ئه‌مریكا ل عێراق و سووریا هاتیە کرن.
ئاشکراکریە کۆ هێرش برێکا فرۆکێن بێفرۆکەڤان بۆ سه‌ر بنگەهێ سه‌ربازیێ عه‌ین ئه‌سه‌د ل سنوورێ پارێزگەها ئه‌نبار و هه‌روه‌سا ب مووشه‌كان ژی بۆ سه‌ر بنگەهێ سه‌ربازیێ شه‌داد ل سووریا هاتیە کرن كۆ هێزێن ئەمریکی دناڤ وان دوو بنگەهێن سەربازی دا هەنە، به‌لێ زەرەرێن وان هێرشان هێشتا نەهاتنە ئاشکراکرن.
ژ 17ێ ئۆكتۆبه‌را بووری پشتی سەرهلدانا شەرێ غەززە نزیکێ 90 جاران هێرش بۆ سه‌ر بنگەهێن سه‌ربازیێن ئه‌مریكا ل عێراق و سووریا هاتیە کرن.
چه‌ند جاران ژی چه‌ند گرووپێن میلیشیایی یێن عێراقێ به‌رپرسیارەتیا وان هێرشێن بۆ سه‌ر بنگەهێن سەربازیێن ئه‌مریكا دهێتە کرن ل ستویێ خوە گرت.