ب هەلکەفتا سالیادا روژا ئالایێ کوردستانێ لقا9 یا پارتی دیموکراتی کوردستان پەیامەک بەلاڤکرییە و تێدا جوانترین پیروزباهییان ئاراستەیی هەمی گەلێ کورد و کوردستانێ دکەت.
هەر د پەیامێ لقا9 پارتی دیموکراتی کوردستان دا هاتییە :" ئالایێ پیروزێ كوردستانێ ل رێكه‌فتی 17 /12 /1945 بو ئێكه‌م جار ب فه‌رمى ژلایێ پێشه‌وا قازى محمد ڤە هاتە بلندکرن ل گوره‌پانا چوار چرا ل ده‌مێ دامه‌زراندنا كومارا كوردستان هاتیه راگه‌هاندن، پاشی پێشه‌وا قازى محمد ئه‌ڤ ئالایه ب ئه‌مانه‌ت دا ده‌ستێ (بارزانیێ نه‌مر) رێبه‌رێ بزاڤا ئازادیخوازیا كوردستانێ کو گه‌هانده قوناغا سه‌ركه‌فتن و ئازادیا ئه‌ڤرو، و ل سالا 1999 ب بریارا په‌رله‌مانێ كوردستانێ ب فه‌رمی ل هه‌رێما كوردستانێ هاته په‌سه‌ندكرن.
ئالایێ كوردستانێ هێمایێ شوره‌ش و به‌رخودان و سه‌رهەلدانێن گه‌لێ كوردستانێ یه، ژ پێخه‌مه‌ت پاراستن و به‌رز راگرتنا ڤى ئالایى گه‌لێ مه كاروانه‌ك مه‌زن ژ شه‌هید و قوربانیان داینه، له‌ورا ئه‌ڤ روژه ب روژه‌كا گه‌ش د ژیانا گه‌لێ كوردستانێدا دهێته هژمارتن و ب شانازى ڤه ڤێ روژێ هه‌رسال ساخ دكه‌ین و جهێ سه‌ربلندیا خه‌لكێ كوردستانێ یه سه‌روك بارزانى ب هیمه ت و سیاسه‌تا خو یا سه‌ركه‌فتیانه شیا ل چه‌ندین وه‌لاتێن جیهانێ ئالایێ كوردستانێ ب فه‌رمى بده‌ت نیاسین وب فه‌رمی دانپێدان پێ هاته‌‌كرن.
خه‌لكێ كورستانێ و پێشمه‌رگێن قاره‌مان ب خوینا خو ئاخا كوردستانێ ل بن سیبه‌را ڤى ئالایى پاراستیه و ئه‌ڤرو ل هه‌رێما كوردستانێ ئه‌ڤ ئالایه ب ئازادى و سه‌ربلندیڤه یێ به‌رزه".