شاباز مەحموود، پەیڤدارێ ڕێکخراوا کرێکارێن بیناسازی ل هەرێما کوردستانێ ڕاگەهاند، د ئەڤسالەدا 73 کرێکار ل جهێ کاری گیانێ خۆ ژ دەستدایە، د هەمان دەمدا سالا بووری 59 کرێکاران گیانێ خۆ ژ دەستدابوو.
لدۆر ئەگەرێ گیان ژ دەستدانێ دیاركر، 24 كەسان ب ئەگەرێ كەتنا خوارێ ل جهێن بلند گیانێ خۆ ژ دەستداینە، ژبەر نەبوونا مەرجێن سلامەتییێ ل ئاڤاهییێن ئاكنجیبوونێ و 11 كەسێن دی ژی ب ئەگەرێ كارەبێ گیانێ خۆ ژ دەستداینە.
لدووڤ ئامارێن ڕێکخراوا کرێکارێن بیناسازی ل پارێزگەها هەولێرێ 22 كرێكاران گیانێ خۆ ژ دەستدایە، 19 كرێكاران ژی ل سلێمانییێ، پارێزگەها دهۆكێ ژی 6 كرێكاران،هەلەبجە 5 كرێكاران و هەروەسا 21 كرێكارێن دی ل كەركووكێ ل جهێ كارێ گیانێ خۆ ژ دەستداینە.