وه‌زاره‌تا دارایی 3 موچه‌یێن ئه‌ڤساله‌ وه‌كو خه‌رج نه‌كرى هژمارتن

رێڤه‌به‌ریا گشتى یا ژمێركارى ل وه‌زاره‌تا دارایی یا هه‌رێمێ ب نڤیساره‌كا فه‌رمى ژ رێڤه‌به‌رێن گشتى یێن دیوانا وه‌زاره‌تێ خواست ب رێكارێن خه‌رج نه‌كرنا 3 موچه‌یێن دویماهیا ئه‌ڤساله‌ راببن و وه‌كو شایسته‌یێن خه‌رج نه‌كرى یێن فه‌رمانبه‌ران بهێنه‌ دانان.
ل گۆره‌ى نڤیسارا رێڤه‌به‌رێ گشتى یێ وه‌زاره‌تێ سه‌ربارى كو ئه‌و سێ موچه‌ بۆ سه‌ر هژمارا شایسته‌یێن خه‌رج نه‌كرى هاتینه‌ زێده‌كرن، لێ چ ژڤانه‌ك بۆ ڤه‌گه‌ڕاندنا وان سێ موچه‌یان بۆ سه‌ر هژمارا خه‌رجكرنێ نه‌هاتینه‌ دانان.
ل گۆره‌ى رێكارێن دارایی دڤێت قه‌یده‌كا دارایی هه‌بیت بۆ خه‌رجكرنا وى پاره‌ى و ژڤانێ خه‌رجكرنێ ژى بهێته‌ دیاركرن.