ئه‌ندامه‌كێ په‌ڕله‌مانێ ئیراقێ راگه‌هاند، سه‌رۆكوه‌زیرێ ئیراقێ رازى بوویه 4 ملیار دیناران وه‌كو هاریكارى بۆ هه‌ر ئێك ژ 4 یانه‌یێن وه‌رزشى یێن هه‌رێمێ خه‌رج بكه‌ت.
چیایی ته‌یمۆر، په‌ڕله‌مانتارێ پارتى و ئه‌ندامێ لژنه‌یا وه‌رزش و لاوان ل په‌ڕله‌مانێ ئیراقێ دا زانین، سه‌رۆكوه‌زیرێ ئیراقێ محه‌مه‌د شیاع سودانى رازى بوویه 3 تا 4 ملیار دیناران ب هه‌ر ئێك ژ یانه‌یێن وه‌زرشى یێن دهۆک، زاخۆ، هه‌ولێر و نەورۆز بده‌ت.
چیایی ته‌یمۆر دا زانین، ژبه‌ر ره‌وشا خراب یا دارایی یا یانه‌یێن وه‌رزشى یێن هه‌رێمێ وى ب نڤیساره‌كێ ژ سه‌رۆكوه‌زیرێ ئیراقێ خواستیه وه‌كى یانه‌یێن وه‌زرشى یێن ئیراقێ كو به‌رى هه‌یامه‌كى هه‌ر ئێك ژ وان 3 تا 4 ملیار دینار پێ هاتبوونه دان، ئه‌و پاره بۆ یێن هه‌رێمێ ژى بهێنه خه‌رجكرن.
ته‌یمۆر دا زانین ژى، سودانى رازى بوویه لسه‌ر نڤیسارا وان و نها بابه‌ت ل ئه‌مینداریا گشتى یا جڤاتا وه‌زیرانه و ئه‌و چاڤه‌رێ دكه‌ن وه‌زاره‌تا دارایا ئیراقێ ل ده‌مه‌كێ نێزیك وى پاره‌ى بۆ 4 یانه‌یێن ناڤهاتى یێن هه‌رێمێ خه‌رج بكه‌ت.