ئاکرێ نیوز:
پشتى پتر ژ ساله‌كێ ژ كڕینا ئیلۆن ماسك بۆ تۆڕا ئێكس ’تویته‌ر د به‌رێ دا’ بهایێ وێ یێ بازارى ب شێوه‌یه‌كێ مه‌زن داكه‌فتیه.
ئیلۆن ماسك ل ئوكتۆبه‌را سالا 2022 تۆڕا ئێكس ب بهایێ 44 ملیار دۆلاران كڕیبوو و هه‌ر ژ وى ده‌مى بهایێ وێ تۆڕێ به‌رده‌وام داكه‌فتیه.
ل گۆره‌ى فاینانشیال تایمز؛ كۆمپانیا ئێكس گۆتیه فه‌رمانبه‌رێن خۆ كو بهایێ هه‌ر پشكه‌كێ د كۆمپانیێ دا بوویه 45 دۆلار و ب ڤێ چه‌ندێ بهایێ كۆمپانیێ ب نزیكى 19 ملیار دۆلاران دهێته ته‌خمینكرن.
هه‌ر ژ ده‌مێ كڕینا ماسكى بۆ وێ تۆڕێ، داهاتێ ریكلامان د تۆڕێ دا گه‌له‌ك كێمبوویه و تایبه‌ت پشتى هنده‌ك گوهۆڕینێن وى د كۆمپانیێ و د ئه‌پلیكه‌یشنێ X دا كرین.
د به‌رانبه‌ر دا، ماسك رابوویه ب به‌رفره‌هكرنا بازنه‌یێ پشكداریێن ب پاره د وێ تۆڕێ دا.
د حه‌فتیا بۆرى دا، ئیلۆن ماسك خۆدانێ تۆڕێ و لیندا یاكارینۆ سه‌رۆكا بجهئینانێ یا كۆمپانیا ئێكس گۆتبوونه فه‌رمانبه‌ران كو پلانێن وه‌به‌رهێنانێ ب رێكا پێشكێشكرنا خزمه‌تگۆزاریێن دراڤى ب رێكا تۆڕا ئێكس هه‌نه.