بارەگایێ بارزانی ڕاگەهاندیە، ئێڤاریا ڕۆژا پێنجشەمبی 9ی چریا دووێ 2023، ل سەلاحەددین سەرۆک مەسعود بارزانی پێشوازی ل محەمەد شیاع سودانی سەرۆکوەزیرێن عیراقێ کر.
هەروەسا دیارکریە، د دیدارێ دا کو نێچیرڤان بارزانی، سەرۆکێ هەرێما کوردستانێ و مەسرور بارزانی، سەرۆکێ حکومەتا هەرێما کوردستانێ و سکرتێر و ئەندامێن مەکتەبا سیاسییا پارتی دیموکراتی کوردستان ئامادەبوون، هزر و بووچوون دەربارەی ڕەوشا سیاسیی یا عیراقێ و پەیوەندییێن دناڤبەرا حکومەتا عیراقا فیدڕاڵ و حکومەتا هەرێمێ دا لێکگۆهارتن.
ئاماژە کریە ژی، هەر د ئەوێ دیدارێ دا روناهی خستە سەر ئالۆزی و روودانێن دەڤەرێ و نەهامەتی و ئازارێن گەلێ فەڵەستینێ و چاوانیا گەهاندنا هاریکارییێن مرۆڤی بۆ غەززە و هەروەسا ئەو تەحەدی و مەترسیێن ئارامیا عیراق و دەڤەرێ دکەنە ئارمانج.