محه‌مه‌د حه‌لبووسى سه‌رۆكێ په‌رله‌مانێ عیراقێ پشتى كو ب بریارا دادگه‌ها فیدرالییا عیراقێ ژ پۆستێ خوه هاتییه دوورخستن ڕاگه‌هاند، بریارا دادگه‌ها فیدرالى جهێ مه‌نده‌هۆشییێ یه، دادگه‌ها فیدرالى ب ڤان جۆره بریاران ڕێزێ ل ده‌ستوورى ناگریت.
حه‌لبووسى ل دۆر بریارا دوورخستنا خوه دیاركر، هه‌نده‌ك كه‌س هه‌نه بزاڤێن پارچه پارچه‌كرنا پێكهاته‌یێن سیاسییێن كۆمه‌لگه‌هێ دكه‌ن، بریارا دادگه‌ها فیدرالى جهێ مه‌نده‌هۆشییی یه، هنده‌ك لایه‌ن بزاڤێن ژێك جۆداكرنا پێكهاته‌یێن جڤاكییێن عیراقێ دكه‌ن.
سه‌رۆكێ په‌رله‌مانێ عیراقێ ئاماژه ب هندێ ژى دا، دادگه‌ها فیدرالى ب ڤان جۆره بریاران ڕێزێ ل ده‌ستوورى ناگریت، ئه‌و نزانیت ئه‌ڤ جۆره بریاره ژ كیڤه دهێنه ئاراسته‌كرن، دێ ڕێكارێن قانوونى بۆ پاراستنا مادده‌یێن ده‌ستورى گرنه‌به‌ر.
هه‌روه‌سا ئاشكراكر، ئۆپۆزسیۆن بوویه ئه‌گه‌رێ ژناڤبرنا ئێك ل سه‌ر سێیا پارێزگه‌هێن عیراقێ.